१६ वर्षीया बालिकालाई बलात्कार गरेको कुसरमा जिल्ला अदालतले पनौती नपा–४ खरिबोटका ३५ वर्षीय आसाकाजी श्रेष्ठलाई १२ वर्ष कैद र एक लाख रुपैयाँ जरिवाना फैसाला सुनाएको छ ।
जिल्ला न्यायाधीश रिताकुमारी बख्रेलको ०७९ भदौ ३१ गतेको इजलासले श्रेष्ठलाई कसुर ठहर गर्दै १२ वर्ष कैद र एक लाख रुपियाँ जरिबानाको फैसला गरेको हो ।
पीडित बालिकालाई ०७६ फागुन ४ गते बलात्कार गरेको भन्दै पक्षले श्रेष्ठविरुद्ध फागुन ७ गते इलाका प्रहरी कार्यालय बनेपामा उजुरी गरेको थियो ।
पीडित बालिकाको स्वास्थ्य परीक्षण शीरमेमोरियल अस्पताल बनेपामा फागुन ७ गते गरिएको थियो ।
श्रेष्ठलाई जिल्ला अदालतले ०७६ फागुन २८ गते दिएको आदेश अनुसार पुर्पक्ष लागि थुनामा रहेका थिए ।