३६ वर्षीया महिलालाई बलात्कार प्रयास गरेको आरोपमा पीडित पक्षले इश्वरपुर नगरपालिका–१३ गौरिशङ्करका ३५ वर्षीय हेमबहादुर श्रेष्ठविरुद्ध इलाका प्रहरी कार्यालय केशरगंजमा भदौ १९ गते उजुरी दिएको छ ।
पीडित महिलालाई आरोपितले भदौ १० गते बलात्कार प्रयास गरेको पीडित महिलाले आरोप लगाएकी छन् । आरोपित श्रेष्ठ घटनापछि फरार रहेकोले खोजी कार्य गरिरहेको इलाका प्रहरी कार्यालय केशरगंजका इन्स्पेक्टर रोशन थापाले जानकारी दिनु भयो ।
पीडित महिलाको स्वास्थ्य परीक्षण भदौ १९ गते जिल्ला अस्पताल मलङ्गवामा गरिएको इन्स्पेक्टर थापाले जानकारी दिनु भयो ।