नामखा गाउँपालिका-१ गाडापारीका स्थानीयबासीले पाएक पर्ने स्थानमा मतदान केन्द्र हुनु पर्ने माग गरेका छन् ।
विगतका निर्वाचनमा आफूहरूको मतदान केन्द्र नाम वुद्ध प्रावि गाडापारीमा भएको बताउँदै यस पटक उक्त मतदान केन्द्र निर्वाचन आयोगबाट छुटाएको स्थानीयबासी तकदीर लामाले बताए ।
मतदान केन्द्र अपायक ठाउँमा भएको भन्दै नामखा गाउँपालिका-१ का स्थानीयबासीले वैशाख १७ गते जिल्ला प्रशासन कार्यालय र मुख्य निर्वाचन अधिकृतको कार्यालयको ध्यानाकर्षण गराएका छन् ।
यस अघिका सबै निर्वाचनमा नाम वुद्ध प्राविमा मतदान केन्द्र बनाई आफूहरूले भोट हाल्दै आएको भएपनि यस वर्षसो मतदान केन्द्र नभएपछि स्थानीयबासीले आपत्ति जनाएका हुन् ।
उक्त मतदान केन्द्र पुनः स्थापना नभए गाडापारी गाउँका करिव ३ सय ५० जना मतदाताले तीन घण्टाको पैदल हिँडेर हेप्का गाउँमा गएर मतदान गर्नुपर्ने स्थानीयबासी तकदीर लामाले बताए ।
प्रमुख जिल्ला अधिकारी धनप्रसाद शर्मा पौडेलले सो मतदान केन्द्र पुनः स्थापनाका लागि निर्वाचन आयोगमा पहल गर्ने आश्वासन दिए ।
मुख्य निर्वाचन अधिकृत खिलनाथ रेग्मीले पाएक पर्ने स्थानमा मतदान केन्द्र पुनःस्थापनाका लागि केन्द्रीय निर्वाचन आयोगमा पहल गर्ने प्रतिबद्धता जनाए ।