२५ वर्षीया पत्नीलाई बेचबिखन गर्ने कार्यमा संलग्न घटनाका कसुरदार चौतारा सागाचोकगढी नगरपालिका–४ कुबिण्डेका ५० वर्षीय चोपनाथ नेपाललाई प्रहरीले ०७८ माघ २६ गते कुविण्डेबाट गिरफ्तार गरेको छ ।
मानव बेचबिखनको कसुरमा जिल्ला अदालतले ०५८ भदौ ६ गते नेपालविरुद्ध १ वर्ष ६ महिना कैदको फैसला गरेको थियो ।
नेपालले पत्नीलाई ०५५ सालमा आमा र काकाको सहयोगमा भारतको बम्बैमा पु¥याई बेचबिखन गरेको भन्दै पीडितका बावु टंकनाथ घोरासैनीले ०५६ फागुण ७ गते जिल्ला प्रहरी कार्यालयमा मानव बेचबिखन बिरुद्ध उजुरी दिएका थिए भने भारतको बम्बईबाट फर्कीएर आएकी पीडितले ०५७ माघ २ गते जिल्ला प्रहरी कार्यालयमा किटानी उजुरी दिएकी थिइन् ।
मानव बेचबिखन घटनाका कसुरमा कैद सजाय पाएका व्यक्ति घरमा आएको भन्ने सूचनाका आधारमा गिरफ्तार गरिएको जिल्ला प्रहरी कार्यालयका डिएसपी दक्षकुमार बस्नेतले बताउनु भयो ।
नेपाललाई अदालतको फैसला कार्यान्वयना लागि सोही दिन जिल्ला कारागार शाखा पठाएको डिएसपी बस्नेतले बताउनु भयो ।