धनकुटा नगरपालिका–४ छारागाँउकी ५२ वर्षीया सीता श्रेष्ठको हत्या गरी घरभित्र खाडल खनी पुरेको आरोपमा प्रहरीले ५२ वर्षीय पति सिताराम भनिने सिताकुमार श्रेष्ठलाई माघ ९ गते ललितपुरबाट गिरफ्तार गरेको छ ।
३० वर्षीय अरूण श्रेष्ठले फूपु हराएको भन्दै पुस २१ गते जिल्ला प्रहरी कार्यालयमा उजुरी दिएका थिए ।
पीडित पक्षको उजुरीका आधारमा प्रहरीले ५२ वर्षीय पति श्रेष्ठलाई खोजी गरिरहेको थियो ।
माघ ९ गते गिरफ्तारीमा परेका श्रेष्ठले पत्नीको हत्या गरी घरको भूँइतलामा खाल्डो खनी पुरेको बताएपछि माघ १० गते घटनास्थलबाट शव निकालिएको जिल्ला प्रहरी कार्यालयका डिएसपी सुरज कार्कीले इन्सेक प्रतिनिधिसँगको भेटमा बताउनु भयो । शवको मुचुल्का उठाउँदा शरीरका विभिन्न भागमा चोट देखिएको डिएसपी कार्कीले बताउनु भयो ।
आरोपितविरूद्ध प्रहरीले जिल्ला अदालतमा माघ १० गते कर्तव्य ज्यान शीर्षकमा मुद्दा दर्ता गरेको छ ।
शवको पोष्टमार्टम वीपी कोइराला स्वास्थ्य विज्ञान प्रतिष्ठान धरान(घोपा) मा माघ १० गते गरिने तयारी भएको पीडित अरूण श्रेष्ठले बताउनु भएको छ ।