भोजपुर केराबारी घर भई हाल सूर्यविनायक नगरपालिका–५ कटुञ्जेमा डेरा कोठामा बस्ने २५ वर्षीया मन्दिरा राईलाई कुटपिट गरी हत्या गरेको आरोपमा पति २५ वर्षीय जीवन राईलाई प्रहरीले पुस ५ गते गिरफ्तार गरेको छ ।
पत्नीलाई पुस ४ गते राती कुटपिट गरी हत्या गरी कटुञ्जेस्थित आफन्तको कोठामा लुकेर बसेको अवस्थामा आरोपितलाई गिरफ्तार गरेको महानगरिय प्रहरी परिसर, भक्तपुरका डिएसपी राजु पाण्डेले बताउनु भयो ।
पति पत्नी दुवैले मदिरा सेवन गरेको अबस्थामा विवाद हुँदा पतिले कुटपिट गरेपछि गम्भीर घाइते भएकी पत्नीको रक्तश्रावका कारण मृत्यु भएको डिएसपी पाण्डेको भनाइ छ ।
प्रहरीले घटनाबारे थप अनुसन्धान गरिरहेको र आरोपितलाई पुस ५ गते जिल्ला अदालत पेस गरेकोमा अदातको आदेशमा पाँच दिनको म्याद लिई हिरासतमा पठाएको डिएसपी पाण्डेले जानकारी दिनुभयो ।
शवको पोष्टमार्टमा केएमसी अस्पताल भक्तपुरमा पुस ५ गते गरियो ।