१७ वर्षीया बालिकालाई बलात्कार गरेको आरोपमा सिरहा नपा–१५ का २४ वर्षीय मिथिलेशकुमार साहविरुद्ध पीडित पक्षले इलाका प्रहरी कार्यालय लहानमा कात्तिक ३० गते उजुरी दिएको छ ।
पीडित बालिकालाई आरोपितले कात्तिक २५ गते बलात्कार गरेको र पछि मात्रै बालिकाले घटनाको जानकारी गराएकाले ढिला गरी उजुरी दिएको पीडित बालिकाकी आमाले बताइन् ।
पीडित बालिकाको स्वास्थ्य परीक्षण लहानस्थित रामकुमार उमाप्रसाद असपताल लहानमा कात्तिक ३० गते गरिएको छ ।
इलाका प्रहरी कार्यालय लहानका डिएसपी डाक्टर तपनकुमार दाहालका अनुसार आरोपित ‘फरार’ रहेकाले खोजी कार्य जारी रहेको छ ।