१६ वर्षीया बालिकालाई बलात्कार गरेको कसुर ठहर गर्दै जिल्ला अदालतले घोराही उप–महानगरपालिका–७ का २३ वर्षीय असिम चौधरीलाई असोज १५ गते दुई वर्ष कैदको फैसला गरेको छ ।
जिल्ला अदालतका न्यायाधीश हिमलाल बेल्वासेको इजलासले कसुर ठहर गर्दै दुई वर्ष कैद, ५० हजार रुपियाा जरिवाना र पीडितलाई ८ सय क्षतिपूर्ति उपलव्ध गराउने फैसला गरेको जिल्ला अदालतका निमित्त श्रेस्तेदार प्रेमनारायण पराजुलीले बताउनु भयो ।
पीडितलाई आरोपितले ०७५ पुस १० गते बलात्कार गरेको भन्दै पीडितपक्षले पुस १२ गते जिल्ला प्रहरी कार्यालयमा उजुरी दिएका थिए । प्रहरीले आरोपितलाई पुस १२ गते गिरफ्तार गरी माघ ६ गते जिल्ला अदालतमा जबरजस्ती करणी अभियोगमा मुद्दा चलाएको थियो ।
पीडितको स्वास्थ्य परीक्षण पुस १२ गते राप्ती स्वास्थ्य विज्ञान प्रतिष्ठान घोराहीमा गरिएको थियो ।