१५ वर्षीया बालिकालाई बलात्कार गरेको कसुर ठहर गर्दै जिल्ला अदालतले असोज ११ गते कटारी नगरपालिका–८ सिरिसेका २२ वर्षीय भरत भनिने टिकाराम थापामगरलाई १३ वर्ष कैद र १ लाख रुपियाँ क्षतिपुर्तिको पैmसला सुनाएको छ ।
न्यायाधीश दिपक खनालको इजलासले कसुर गरेको ठहर गर्दै फैसला सुनाएको जिल्ला अदालतका श्रेष्तेदार धनबहादुर कार्कीले इन्सेक प्रतिनिधिलाई जानकारी दिनु भयो ।
पीडित बालिकालाई मगरले ०७७ फागुन १० गते बलात्कार गरेको आरोपमा पीडित पक्षले फागुन ११ गते दिएको उजुरीका आधारमा प्रहरीले मगरलाई सोही दिन गिरफ्तार गरी मुद्दा चलाएको थियो ।
अदालतले चैत ५ गते पुर्पक्षका लागि थुनामा राख्ने र ०७८ असोज ६ गते सजाय निर्धारणका लागि पेश गर्न आदेश दिएको थियो ।
पीडित बालिकाको स्वास्थ्य परीक्षण कटारी अस्पतालमा फागुन ११ गते गरिएको थियो ।