१७ वर्षीया बालिकालाई बलात्कार गरेको आरोपमा सखुवानन्कारकट्टी गाउँपालिका–२ का २२ वर्षीय विवेक चौधरीविरुद्ध पीडित परिवारले इलाका प्रहरी कार्यालय लहानमा असोज ११ गते उजुरी दिएको छ ।
पीडित बालिकालाई आरोपितले असोज ५ गते बलात्कार गरेको र गाउँमै घटना मिलाउने प्रयास गरेकाले उजुरी दिन ढिला भएको पीडित बालिकाकी आमाले बताइन् ।
पीडित बालिकाको स्वास्थ्य परीक्षण लहानस्थित रामकुमार उमाप्रसाद अस्पतालमा असोज ११ गते गरिएको छ ।
इलाका प्रहरी कार्यालय लहानका डिएसपी डाक्टर तपन दाहालले आरोपित ‘फरार’ रहेकाले खोजतलास भइरहेको बताउनु भयो ।