२४ वर्षीया महिलालाई बलात्कार गरेको कसुरमा जिल्ला अदालतले धवलागिरी गाउँपालिका–४ मुदीका ३३ वर्षीय केशव घर्तीलाई आठ वर्ष कैद सजायको फैसला सुनाएको छ ।
जिल्ला अदालत म्याग्दीका न्यायाधीश तेजनारायण पौडेलको असार २९ गतेको इजलासले कसुर ठहर गर्दै आठ वर्ष कैद र र ४५ हजार क्षतिपूर्तिको फैसला गरेको छ ।
पीडितलाई आरोपितले ०७७ जेठ १६ गते बलात्कार गरेको भन्दै पीडित पक्षले आरोपितविरुद्ध ०७७ भदौ ९ गते जिल्ला प्रहरी कार्यालय म्याग्दीमा उजुरी दिएका थिए ।
पीडित पक्षको उजुरीपछि प्रहरीले आरोपितलाई ०७७ भदौ ११ गते गिरफ्तार गरी जिल्ला सरकारी वकिल कार्यालयमार्फत जबरजस्तीकरणी शीर्षकमा ०७७ असोज ५ गते जिल्ला अदालत म्याग्दीमा मुद्दा दर्ता गरेको थियो ।