१४ वर्षीया बालिकालाई बलात्कार गरेको कसुर ठहर गर्दै जिल्ला अदालत सिरहाले पुस १३ गते धनगढीमाई नपा–१० का १९ वर्षीय बिनोद महरालाई १२ वर्ष कैद तथा १ लाख रुपियाँ जरिबानाको फैसला गरेको छ । जिल्ला अदालतका न्यायाधीश पुष्पराज थपलियाको इजलासले यस्तो फैसला गरेको हो ।
पीडित बालिकालाई महराले ०७६ माघ २ गते बलात्कार गरेको भन्दै महाराविरुद्ध पीडित परिवारले इलाका प्रहरी कार्यालय लहानमा सोही दिन उजुरी दिएको थियो । पीडित बालिकाको स्वास्थ्य परीक्षण जिल्ला अस्पताल सिरहामा माघ २ गते गरिएको थियो ।
इलाका प्रहरी कार्यालय लहानले महरालाई माघ २ गते गिरफ्तार गरेकोमा जिल्ला अदालतको माघ २७ गतेको आदेशले महरा पुर्पक्षका लागि थुनामा रहेको प्रहरीले जनाएको छ ।