शारीरिक अपाङ्गता भएकी २२ वर्षीया महिलालाई बलात्कार प्रयास गरेको कसुरमा किस्पाङ गाउँपालिका–२ का ७० वर्षीय सिङ्गा तामाङलाई जिल्ला अदालतले नौ महिना कैद र १० हजार रुपिँया जरिवाना फैसला गरेको छ ।
जिल्ला अदालतका न्यायाधीश उमेशप्रसाद लुइटेलको इजलासले फागुन २९ गते फैसला गरेको हो । बलात्कार आरोप लगाइए पनि अदालतले यौन दुव्र्यवहार मात्र ठहर गर्दै यस्तो फैसला गरेको अदालतका श्रस्तेदार शिवप्रसाद बञ्जराले बताउनु भयो । मुलुकी अपराध संहिता २०७४ को दफा २२४ को १ र २ अनुसार कसुर ठहर गरेको र ज्येष्ठ नागरिक सम्बन्धी ऐन २०६३ को दफा १२ ले ज्येष्ठ नागरिकले गरेको कसुरमा दिन मिल्ने कैद छुट गराई सजाय निर्धारण गरि फैसला आएको श्रस्तेदार बञ्जराले बताउनु भयो । उक्त दफामा ७० वर्ष उमेर पुरा भई ७५ वर्ष ननाघेको ज्येष्ठ नागरिकलाई ५० प्रतिशत कैद सजाय छुट दिन सकिने व्यवस्था रहेको छ ।
आरोपितले ०७६ जेठ ६ गते अपाङगता भएकी महिलालाई बलात्कार गरेको भन्दै जिल्ला प्रहरी कार्यालयमा जेठ १० गते उजुरी दर्ता भएको थियो ।