७४ वर्षीया कान्छि लामालाई बन्चरो प्रहार गरी घाइते बनाएको आरोपमा पति ६५ वर्षीय झलकबहादुर लामालाई ०७६ फागुन २५ गते प्रहरीले गिरफ्तार गरेको छ ।
गोदावरी नगरपालिका– ८, डुकुछाप जोल्खुका आरोपितले ०७६ फागुन २४ गते मध्य रातमा बन्चरो प्रहार गरी घाइते बनाएको पीडितका छोरा राजु लामाले बताउनु भयो । आरोपितले मादक पदार्थ सेवन गरी पीडितलाई टाउको फुटाएको, निधार, आँखा छेउमा बन्चरो प्रहार गरी घाइते बनाएको उजुरीमा उल्लेख छ । आरोपितलाई गिरफ्तार गरी ज्यान मार्ने उद्योगमा फागुन २७ गते मुद्दा दर्ता गरिएको महानगरीय प्रहरी परिसर जावलाखेलका प्रवक्ता एसपी दुर्गा सिंहले बताउनु भयो ।
पीडितको स्वास्थ्य उपचारका लागि फागुन २५ गते पाटन अस्पताल ललितपुरमा लगिएकोमा स्टार अस्पताल सानेपामा रेफर भइ टाउकोको सल्यक्रिया गरिएको अस्पताल प्रशासनले जनाएको छ । पीडितको फागुन २७ गते दिउँसोसम्म होस नखुलेको डुकुछापका वडा अध्यक्ष सुकुमान लामाले बताउनु भयो ।