२३ वर्षीया महिलालाई बलात्कार गरेको कसुरमा जिल्ला अदालतले जिल्ला झापा कमल गाँउपालिका–४ का ३८ वर्षीय मानबहादुर विश्वकर्मालाई फागुन २२ गते आठ वर्ष कैद सजायको फैसला सुनाएको छ ।
न्यायधीश प्रकाश श्रेष्ठको इजलासले कसुर गरेको ठहर गर्दै कैद सजायको फैसला सुनाएको हो ।
आरोपितले ०७६ असार ३ गते बलात्कार गरेको आरोपमा पीडित पक्षले आरोपित विरूद्ध सोही दिन इलाका प्रहरी कार्यालय इटहरीमा उजुरी दिएका थिए ।
आरोपितलाई प्रहरीले असार ३ गते गिरफ्तार गरी असार ६ गते जिल्ला अदालतमा बलात्कार शीर्षकमा मुद्दा दर्ता गरी कारबाही अघि बढाएको थियो ।
पीडित महिलाको स्वास्थ्य परीक्षण जिल्ला अस्पतालमा असार ४ गते गरिएको थियो ।