१३ वर्षीया बालिकालाई बलात्कार गरेको कसुरमा जिल्ला अदालतले फागुन २२ गते १३ वर्षीय बालकलाई पाँच वर्ष कैद सजायको फैसला सुनाएको छ ।
न्यायधीश राधाकृष्ण उप्रेतीको इजलासले कसुर गरेको ठहर गर्दै कैद सजायको फैसला सुनाएको श्रेस्तेदार नरेन्द्रकेशरी पोखरेलले बताउनुभयो ।
आरोपितले ०७५ माघ १४ गते बलात्कार गरेको आरोपमा पीडित पक्षले आरोपित विरूद्ध माघ १५ गते जिल्ला प्रहरी कार्यालयमा उजुरी दिएका थिए ।
प्रहरीले आरोपितलाई माघ १६ गते गिरफ्तार गरी सोही दिन जिल्ला अदालतमा बलात्कार शीर्षकमा मुद्दा दर्ता गरी कारबाही अघि बढाएको थियो ।
पीडित बालिकाको स्वास्थ्य परीक्षण जिल्ला अस्पतालमा माघ १६ गते गरिएको थियो ।