१३ वर्षीया बालिकालाई अपहरण गरि बलात्कार गरेको घटनाका फरार आरोपित मिथिलाविहारी नपा–२ बस्ने २७ वर्षीय अकलेश कुमार यादवलाई जिल्ला प्रहरी कार्यालय धनुषाले फागुन ४ गते गिरफ्तार गरेको छ ।
मिथिला विहारी नपा–२ मिथिलेश्वर चौकबाट १३ वर्षीया बालिकालाई अपहरण गरेर काठमाडौं, सिन्धुली र दोलखामा राखी बलात्कार गरेको पीडित बालिकाले बताउनु भएको छ ।
पीडित बालिकाले ०७६ पुस २४ जिल्ला प्रहरी कार्यालय धनुषामा अकलेशविरुद्ध शरिर बन्धक तथा जबरजस्तीकरणी मुद्दा दायर गरेपछि आरोपितलाई खोज्दै जाँदा जनकपुर आएको गोप्य सूचनाको आधारमा फागुन ४ गते गिरफ्तार गरेको जिल्ला प्रहरी कार्यालय धनुषाका प्रहरी इन्स्पेक्टर अशोक कुमार झाले जानकारी दिनु भएको छ ।