१८ वर्षीया युवतीलाई बलात्कार प्रयास गरेको आरोपमा पचालझरना गाउँपालिका–२ का ४० वर्षीय नमराज शाहीविरूद्ध पीडित पक्षले माघ २८ गते जिल्ला प्रहरी कार्यालय, कालिकोटमा उजुरी दिएकाो छ ।
पीडित युवतीलाई आरोपितले माघ २६ गते साँझ पीडितको डेरामा गई बलात्कार प्रयास गरेको भन्दै पीडित पक्षले प्रहरीमा उजुरी दिएको जिल्ला प्रहरी कार्यालय, कालिकोटका इन्स्पेक्टर इन्द्रबहादुर मल्लले जानकारी दिनु भएको छ ।
घटनापछि आरोपित शाही फरार रहेकाले खोजी गरिरहेको प्रहरीले जनायो । बलात्कार प्रयासबाट फुत्कने क्रममा पीडित युवतीको पाखुरा र घाँटीमा चोट लागेकाले माघ २७ गते स्थानीय मेडिकलमा उपचार गरिएको छ ।
पीडित युवतीको स्वास्थ्य परीक्षण जिल्ला अस्पताल कालिकोटमा गरिएको इन्स्पेक्टर मल्लले जानकारी दिनुभएको छ ।