गोदावरी नगरपालिका–२ की २३ वर्षीया उर्मिला विष्टको ०७६ माघ १८ गते हत्या गरेको आरोपमा पति रमेश कार्कीलगायत परिवारका पाँच जनालाई माघ १९ गते प्रहरीले गिरफ्तार गरेको छ ।
माघ १६ गते घरबाट हराएकी विष्ट माघ १८ गते मृत भेटिएपछि हत्या गरेको भन्दै माइती पक्षले किटानी उजुरी दिएपछि आरोपितलाई गिरफ्तार गरिएको जिल्ला प्रहरी कार्यालयका डिएसपी दक्षकुमार बस्नेतले बताउनु भयो ।
पीडित पक्षको उजुरीका आधारमा मृतकका ३० वर्षीय पति रमेश कार्की, ५६ वर्षीया सासू मन्दरी कार्की, २८ वर्षीया नन्द लक्ष्मी कार्की र २५ वर्षीया नन्द आसु कार्कीलाई गिरफ्तार गरिएको डिएसपी बस्नेतले बताउनु भयो ।
यसभन्दा अगाडि पनि घरपरिवारले मानसिक तनाव दिँदै आएकोे माइती पक्षको आरोप छ । मृतकका दुई छोरी छन् ।
जिल्ला अदालतबाट म्याद थप गरी चारै जना आरोपितविरूद्ध आत्महत्या दुरूत्साहनको मुद्दा चलाइको डिएसपी बस्नेतले बताउनु भयो ।
सेती प्रादेशिक अस्पतालमा माघ १९ गते शवको पोष्टमार्टम गरेर राखिएको प्रहरीले जनायो ।