कन्काई बहुमूखी क्याम्पस सुरूङ्गाका सञ्चालक समिति अध्यक्ष प्रकाश चुडाललाई कात्तिक २१ गते मोसो दलेर दुर्व्यवहार गरेको आरोपमा नौ जना विद्यार्थीविरूद्ध प्रहरीमा उजुरी दर्ता भएको छ ।
क्याम्पस सञ्चालक समितिले नेकपा निकट विद्यार्थी सङ्गठन अखिल नेपाल राष्ट्रिय विद्यार्थी सङ्गठनका (अनेरास्यवियू)का नेताहरू नारायण पोख्रेल, नविन राई, उत्सव बास्तोला, अनुप भण्डारी, रवीन्द्र रोक्का, रोशनचेतन घिमिरे, बुद्धि चापागाँई, ऋषिराम पोख्रेल र भिष्म पौडेलविरूद्ध इलाका प्रहरी कार्यालय अनारमनीमा उजुरी गरिएको पीडित चुडालले इन्सेकलाई बताए ।
प्राध्यापक हरि तिम्सिनालाई करार नविकरण नगरेको विरोधमा कात्तिक १४ गतेदेखि केही प्राध्यापकहरूले पेनडाउन गर्दै आएका थिए ।
छलफल गरी समस्या समाधान गर्ने बारेमा जानकारी गराउन क्याम्पसको बैठकमा गएको बेला विद्यार्थीले मोसो दलेको अध्यक्ष चुडालले बताए ।
इलाका प्रहरी कार्यालयका प्रमख डिएसपी मोहनकुमार थापाले उजुरी परेकाहरूलाई कात्तिक २२ गते दिउँसोसम्म गिरफ्तार गर्न नसकेको बताए ।