कपिलवस्तु नगरपालिका–८ दोहनीकी ५५ वर्षीया फूलमती कुर्मीलाई सम्पतिको लालचमा २५ वर्षीय छोरा कोठरी भन्ने सुरेन्द्र कुर्मीले कात्तिक १५ गते कुटपिट गरी हत्या गरेको जिल्ला प्रहरी कार्यालय कपिलवस्तुले जनाएको छ ।
छोराले मादक पदार्थ सेवन गरी कात्तिक १५ गते राति घरमा आमालाई कुटपिट गरी हत्या गरेको अवस्थामा कात्तिक १६ गते बिहान ६ बजे मात्र प्रहरीले जानकारी पाप्त गरेको जनाएको छ ।
शवको पोष्टमार्टम जिल्ला अस्पताल, तौलिहवामा कात्तिक १६ गते गरिएको छ । छोरा सुरेन्द्र फरार छन् । उनको खोजी भइरहेको प्रहरीले जनाएको छ ।
सँगोलमा रहेको खेतमध्ये दुई बिघा आफ्नो नाममा दर्ता गरिदिनुपर्ने माग राख्दै सुरेन्द्रले परिवारमा झगडा गरिरहने गरेको वडाध्यक्ष शिवकुमार पाण्डेयले बताएका छन् ।