सात वर्षीया बालिकालाई बलात्कार गरेको आरोपमा प्रहरीले पैञ्यु गाउँपालिका–६ सरौँखोला बस्ने १९ वर्षीय सुरज परियारलाई इलाका प्रहरी कार्यालय, हुवासले जेठ १६ गते बेलुका गिरफ््तार गरेको छ ।
पीडित बालिकालाई आरोपितले जेठ १६ गते बलात्कार गरेको भन्दै पीडित पक्षले सोही समय प्रहरीलाई खबर गरेपछि प्रहरीले गिरफ्तार गरेको थियो ।
घटनास्थलबाट भाग्दै गर्दा आरोपितलाई प्रहरीले गिरफ्तार गरेको इलाका प्रहरी कार्यालय, हुवासका इन्स्पेक्टर मित्रबहादुर आचार्यले जानकारी दिए ।
आरोपित परियारलाई हाल जिल्ला प्रहरी कार्यालय, पर्वत स्थित हिरासतमा राखी अनुसन्धान गरिरहेको जिल्ला प्रहरी कार्यालय, पर्वतका इन्सपेक्टर रविन्द्रबहादुर श्रेष्ठले जानकारी दिए ।
पीडित बालिकाको स्वास्थ परीक्षण जेठ १७ गते पोखरास्थित पोखरा स्वास्थ विज्ञान प्रतिष्ठानमा गरिएको छ ।