काभ्रे जिल्लाको भुम्लु गाउँपालिका–३ घर भई काठमाडौंको बागबजारमा बस्दै आएकी २८ वर्षीया निर्मला नेपाललाई कुटपिट गरी हत्या गरेको आरोपमा प्रहरीले ३२ वर्षीय पति राजकुमार पहरीलाई वैशाख २३ गते गिरफ्तार गरेको छ ।
निर्मलालाई आरोपितले वैशाख २१ गते कुटपिट गरी हत्या गरेको प्रहरीले जनाएको छ ।
काठमाडौँ महानगरीय अपराध महाशाखाका एसएसपी धिरजप्रताप सिंहका अनुसार पतिपत्नीबीच झगडा हुँदा आरोपित पहरीको कुटाइबाट निर्मलाको ज्यान गएको थियो ।
निर्मलाको ज्यान गएपछि पहरीले शव पलङमुनी लुकाएर राखेका थिए । अर्को दिन अबेरसम्म पनि निर्मलालाई नदेखेपछि स्थानीयले प्रहरीलाई खबर गरेका थिए । शवको पोष्टमार्टम वैशाख २३ गते शिक्षण अस्पताल महाराजगञ्जमा गरिएको छ ।