पर्सागढी नगरपालिका–३ विरुवाटोलकी २५ वर्षीया हरिकला सहनीको खुट्टा काटेको आरोपमा ३० वर्षीय पति विश्वनाथ सहनीलाई ०८२ चैत्र १४ गते प्रहरीले बडनिहार क्षेत्रबाट गिरफ्तार गरेको छ ।
विदेश जानका लागि बुबासँग पैसा माग भन्दा नमानेपछि पति विश्वनाथले चैत १ गते ओच्छ्यानमा दुवै हात र मुख बाँधेर अचानोमाथि खुट्टा राखेर काटी फरार भएका थिए । पतिविरुद्ध पीडितले चैत २ गते जिल्ला प्रहरी कार्यालयमा उजुरी दिएको डिएसपी बस्नेतले जानकारी दिनुभयो । घाइते हरिकलाको बारास्थित एलएस न्यूरो अस्पतालमा उपचार गराइएको थियो । हरिकलाको बायाँ खुट्टा शरीरबाट नै अलग गर्नु परेको प्रहरीले बताएको छ ।
सहनीमाथि ज्यान मार्ने उद्योग तथा कुटपिट र अङ्गभङ्गसम्बन्धी कसुरमा मुद्धा दर्ता भएको डिएसपी हरिबहादुर बस्नेतले बताउनु भयो ।
लैंगिक हिंसा नियन्त्रण सन्जालको कोषबाट पीडितकी आमा सुमित्रा कामीलाई छोरीको उपचार खर्चका लागि एसपी सुदीपराज पाठकले चैत १५ गते ५० हजार १ सय ५ रुपियाँको चेक हस्तान्तरण गर्नुभयो । त्यसैगरी डिएसपी बस्नेतले पनि व्यक्तिगत रुपमा ५ हजार रुपियाँ सहयोग गर्नु भयो ।