१० वर्षीया बालिकालाई यौन दुर्व्यवहार गरेको आरोपमा भारत बिहार राज्य जिल्ला बेतिया जमुनिया ग्राम पञ्चायत–३ घर भई हाल जनकपुर उमनपा–४ बस्ने ५० वर्षीय रामलोचन मण्डलविरूद्ध पीडित पक्षले फागुन ६ गते जिल्ला प्रहरी कार्यालयमा उजुरी दिएको छ ।
बालिकालाई घर पुर्याइदिन्छु भन्दै लगेर यौन दुर्व्यवहार गरेको भन्दै पीडित पक्षले फागुन ६ गते उजुरी दिएको जिल्ला प्रहरी कार्यालय मुद्दा फाँटका इन्स्पेक्टर उमाशङ्करप्रसाद शाहले बताए ।
पीडित बालिकाको स्वास्थ्य परीक्षण गर्न फागुन ६ गते नै जनकपुर अञ्चल अस्पताल पठाइएको जिल्ला प्रहरी कार्यालयले जनाएको छ ।
मौखिक उजुरीका आधारमा आरोपित मण्डललाई फागुन ५ गते नै गिरफ्तार गरी घटनाको अनुसन्धान सुरू गरिएको प्रहरीले जनाएको छ ।