नौ वर्षीया बालिकालाई यौन दुर्व्यवहार गरेको आरोपमा प्रहरीले इटहरी उपमहानगरपालिका २० का २३ वर्षीय विप्लव राईलाई गिरफ्तार गरेको छ ।
बालिकालाई ०८१ माघ ११ गते यौन दुर्व्यवहार गरेको आरोपमा पीडित पक्षले सोही दिन इलाका प्रहरी कार्यालय, इटहरीमा उजुरी दिएको थियो ।
पीडित पक्षको उजुरीका आधारमा आरोपितलाई अनुसन्धानका लागि माघ ११ गते गिरफ्तार गरिएको डिएसपी सुवास हमालले बताउनु भयो ।
पीडित बालिकाको स्वास्थ्य परीक्षण इटहरी सामुदायिक अस्पतालमा माघ ११ गते गरिएको छ ।