पत्नीको हत्या आरोपमा तीन वर्षदेखि फरार रहेका छेडागाड नगरपालिका–१३ का ३९ वर्षीय भद्रबहादुर सुनारलाई प्रहरीले ०८२ पुस २० गते गिरफ्तार गरेको छ ।
०७९ मङ्सिर १० गते ३४ वर्षीया पानसरा सुनारलाई बन्चरो र खुकुरी प्रहार गरी हत्या गरेका सुनार फरार थिए । कर्तव्य ज्यान मुद्दामा फरार रहेका आरोपितलाई छेडागाड नगरपालिका–१३ स्थित पिपलतडा–कार्कीगाउँ जाने सडकबाट गिरफ्तार गरेको जिल्ला प्रहरी कार्यालयका सुचना अधिकारी सुधिर कुमार खड्काले जानकारी दिनुभयो ।
आरोपित सुनारलाई पुस २० गते जाजरकोट अदालतबाट सात दिनको म्याद थप गरेर अनुसन्धान थालिएको उहाँले बताउनु भयो ।