दुहवी नगरपालिका–३ मुक्तिनाथ टोलकी २८ वर्षीया खुश्बु खातुनलाई ०८२ पुस ११ गते पेट्रोल छर्किएर हत्या प्रयास गरेको आरोपमा प्रहरीले ३३ वर्षीय पति मुस्तफा शेखलाई पुस ११ गते गिरफ्तार गरेको छ ।
भारतमा रोजगारी गर्दै आएका मुस्ताफा ०८२ पुस ११ गते घर फर्किएको र सोही दिन पत्नीको मोवाइल र हिसाबकिताबको विवादमा पत्नीलाई पेट्रोल छर्किएर हत्या प्रयास गरेको जिल्ला प्रहरीका एसपी केशवकुमार थेवेले बताउनु भयो ।
पेट्रोल छर्किएर आगो लगाएका कारण पीडितको छाती, अनुहार र शरीरका विभिन्न भागमा आगोले जलेको एसपी थेवेले बताउनु भयो ।
पीडितको पारस अस्पताल, विराटनगरमा उपचार भइरहेको छ ।
भारतको बिहार माइती भएकी खुस्बुले दुहबीका शेखसँग डेढ वर्ष अगाडि विवाह गरेको प्रारम्भिक अनुसन्धानका क्रममा खुलेको प्रहरीले जनाएको छ ।
इलाका प्रहरी कार्यालय, दुहबीका इन्स्पेक्टर शिवराम थापाले घरायसी विवादका लिएर आरोपितले पेट्रोल छर्किएर हत्या प्रयास गरेको बताउनु भयो ।
आरोपितविरुद्ध प्रहरीले मुस्तफा शेखविरुद्ध ज्यान मार्ने उद्योगसम्बन्धी पीडित पक्षको उजुरीका आधारमा इलाका प्रहरी कार्यालय, दुहवीमा उजुरी दिएको छ ।