बृन्दावन नगरपालिका–९ भुसाह टोलकी २० वर्षीया तरिमा खातुनको टाउकोको पछिल्लो भागमा धारिलो हतियार प्रहार गरेर हत्या गरी आफ्नै घरको गोठभित्र खाल्डो खनेर पुरिएको अवस्थामा ०८२ मङ्सिर ९ गते शव फेला परेको छ ।
सासु र ससुराले मङ्सिर ८ गते राति नै हत्या गरी शव गाड्न लागेको अवस्थामा मृतकको २२ वर्षीय भाइ शेख आस महमदले देखेपछि प्रहरीलाई खबर गरेको इलाका प्रहरी कार्यालय गरुडाका इन्स्पेक्टर नरेश बोहराले जानकारी गराउनुभयो ।
मृतकका पति आदिल शेष ०८२ कात्तिक १८ गते वैदेशिक रोजगारीका लागि साउदी अरब गएका छन् । उनी आठ महिनाको छोरा सहित ४६ वर्षीया सासु जमिरा खातुन र ५५ वर्षीय ससुरा अलि महमद शेषसँग सँगै बस्दै आएकी थिइन् ।
हत्या पछि ससुरा र भाइ गाउँमै लुकेर बसेको अवस्थामा मङ्सिर १० गते प्रहरीले गिरफ्तार गरेको छ । सासु भने आठ महिनाको नाति सहित फरार रहेको र खोजी कार्य भइरहेको प्रहरीले जानकारी दिएको छ ।
शवको पोस्टमार्टम मङ्सिर १० गते प्रादेशिक अस्पताल गौरमा गरिएको छ ।