कोशी प्रदेशमा ०८२ जेठ १६ गते भित्रिएको मनसुन हिमाली जिल्ला ताप्लेजुङमा पुन सक्रिय भएसँगै बाढीपहिरोका कारण मैवाखोला गाउँपालिकामा ११ परिवार विस्थापित हुनु परेको छ । १२ ओटा घर पहिरोको उच्च जोखिममा परेका छन् ।
केही दिनयताको निरन्तर वर्षाका कारण विभिन्न पहिरो जाँदा स्थानीय बासिन्दा विस्थापित हुनुका साथै एक दर्जन परिवार पहिरोको जोखिममा परेका हुन ।
मैवाखोला गाउँपालिका अध्यक्ष विजयप्रकाश वनेमले मैवाखोला गाउँपालिका-२ ढुङ्गेसाँघु, मैवाखोला गाउँपालिका-४ साँघु, मैवाखोला गाउँपालिका-५ र मैवाखोला गाउँपालिका-६ फाकुम्बामा पहिरोले क्षति गरेको हो ।
पहिलोका कारण ढुङ्गेसाँघुमा दुई घरपरिवार विस्थापित भएको अध्यक्ष वनेमले बताउनु भयो । मैवाखोला गाउँपालिका-४ साँघुमा पाँच घर पहिरोको उच्च जोखिममा परेका छन । मैवाखोला गाउँपालिका-५ मा एक घर विस्थापित र सात घर जोखिममा परेका छन ।
मैवाखोला गाउँपालिका-६ मा भने पहिरोका कारण आठ घरपरिवार विस्थापित भएका अध्यक्ष वनेमले बताउनु भएको छ ।