आन्दोलनको मौका छोपेर कारागारमा तोडफोड गर्दै ०८२ भदौ २४ गते साँझ भागेका दुई जिल्लाका ३५ जना कैदीबन्दी अझै भेटिएका छैनन् । रुकुमपश्चिमका जिल्ला प्रतिनिधि जीवन खड्काका अनुसार ८८ जना फरार कैदीबन्दी मध्ये ६४ जना प्रहरीको सम्पर्कमा आएपनि असोज ७ गतेसम्म २४ जना सम्पर्क विहीन छन् । त्यस्तै जुम्ला प्रतिनिधि मानदत्त रावलका अनुसार ४१ जना कैदीबन्दी भागेकोमा ३० जना प्रहरीको समपर्कमा आएको र असोज ७ गतेसम्म ११ जना फरार रहेका छन् ।
पाँच महिला र २० पुरुष गरी २५ जना क्षमता भएको रुकुमपश्चिम कारागारमा भदौ २४ गतेसम्म १ सय ५८ जना कैदीबन्दी रहेका थिए । त्यस्तै ८० महिला र १ सय २० जना पुरुष क्षमता भएको जुम्ला कारागारमा भदौ २४ गतेसम्म ९७ जना कैदीबन्दी रहेका थिए ।
स्थानीय प्रशासनले उनीहरुको खोजी कार्यलाई तीब्र बनाए पनि उनीहरु हालसम्म फेला परेका छैनन् । कोही कैदीबन्दीहरु आफैं प्रहरीको सम्पर्कमा आएपनि अधिकांशलाई प्रहरीले गिरफ्तार गरेर कारागार पठाएको छ ।
नागरिकहरुलाई उनीहरुको खोजी कार्यमा सहयोग गर्न र सम्पर्कमा आउन प्रशासनले सार्वजनिक सूचना मार्फत अपिल गरेको छ ।
रागारमा नेपाल प्रहरी, सशस्त्र प्रहरी र नेपाली सेनाको संयुक्त टोलीले सुरक्षा दिइरहेको छ ।