स्थानीय तह निर्वाचन नजिकँदै गर्दा सदरमुकाममै आचारसंहिता विपरीत नेपाली कङ्ग्रेसले विद्यालय भित्रै कार्यक्रम सञ्चालन गरेको छ ।
नीलकण्ठ नगरपालिका स्थित नीलकण्ठ उच्च माविमा चैत ३१ गते विद्यालयमा नेपाली कङ्ग्रेसले पार्टीको झण्डा राखेर कार्यक्रम आयोजना गरेको हो ।
विद्यालय भित्रै झण्डा, व्यानर, निर्वाचन चिन्हसमेत राखेर विद्यालय भित्रै आयोजित कार्यक्रममा नेपाली कङ्ग्रेसका जिल्ला तहका नेताहरू सहभागी थिए ।
निर्वाचन आयोगले जारी गरेको आचार संहितामा विद्यालयमा कुनै पनि राजनीतिक दलले कार्यक्रम गर्न नपाइने उल्लेख गरेको छ ।
विद्यालयमा भएको निर्वाचन आचारसंहिता उल्लङ्घनका विषयमा जिल्ला निर्वाचन अधिकारी इश्वार सिङ्खडाले आफूले यस विषयमा बुझ्न नपाएकोले पछि खबर गर्ने बताए । विद्यालयमा कार्यक्रम सञ्चालन भएको जिल्ला निर्वाचन अधिकारी आफैँलेसमेत देखेका थिए ।