कर्जन्हा नगरपालिका–६ का ३६ वर्षीय मेयर गङ्गा पासवानमाथि आक्रमण गरेको आरोपमा कर्जन्हा नगरपालिका–६ का २८ वर्षीय प्रभात महतोलाई इलाका प्रहरी कार्यालय मिर्चैयाले कात्तिक ५ गते गिरफ्तार गरेको छ ।
असोज २३ गते नगरपालिका कार्यालयमा विशेष नगरसभापछि घर फर्कने क्रममा मेयरसहित कार्यपालिका सदस्य र वडा सदस्यहरू चढेको ना. १ झ १६३९ नम्बरको जिपमा ढुङ्गा प्रहार गरी आक्रमण भएको थियो ।
ढुङ्गा प्रहारबाट मेयर चढेको जिपमा क्षति पुगेको थियो । घटनाको उजुरी इलाका प्रहरी कार्यालय मिर्चैयामा असोज २३ गते परेको थियो ।
इलाका प्रहरी कार्यालय मिर्चैयाका डिएसपी दिपेन्द्र शाहका अनुसार घटनाको अनुसन्धानका क्रममा आरोपितको सङ्लग्नता देखिएकाले गिरफ्तार गरिएको हो ।