नेपाल मानव अधिकार वर्ष पुस्तक २०२४ का लागि सङ्कलन गरिएका मानव अधिकारसँग सम्बन्धित घटनाहरूको प्रकाशन पूर्व वार्षिक समीक्षा कार्यक्रम मङ्सिर २८ गते सम्पन्न गरिएको छ ।
कार्यक्रममा इन्सेक जिल्ला प्रतिनिधि नन्द सिंहले ०७९ पुस १७ गतेदेखि ०८० मङ्सिर २८ गतेसम्म सङ्कलन गरिएका २७ ओटा घटना प्रस्तुत गर्नु भएको छ ।
सम्मानित रूपले बाँच्न पाउने अधिकारसँग सम्बन्धित आठ ओटा, बलात्कार, बलात्कार प्रयास र यौन दुव्र्यवहारका आठ ओटा, हत्याको दुई ओटा, जातीय विभेदका तीन ओटा, वेपत्ताको एउटा, मानव बेचविखन तथा ओसारपसारको एउटा, बाल विवाहको एउटा, बहु विवाहको एउटा र घरेलु हिंसाको एउटा घटना प्रस्तुत गरिएको जिल्ला प्रतिनिधि सिंहले बताउनु भयो ।
कार्यक्रमका प्रमुख अतिथि कर्णाली प्रदेश सभा सदस्य कलबहादुर हमालले इन्सेकले तयार पारेको प्रतिवेदन माथि प्रकाश पार्दै घटना सङ्कलनमा इन्सेक बाहेक अन्यले यथार्थ घटना सङ्कलन नगरेको बताउनुभयो । सत्य, तथ्यपूरक घटना सङ्कलनले इन्सेक विश्वसनियताको पात्र बनेको छ । इन्सेकले द्वण्द्वकालमा गरेका सकारात्मक पक्षलाई झल्काउदै इन्सेककै कारण मानव अधिकारको सुनिश्चितता भएको उहाँकाे भनाइ छ ।
नेकपा एमालेका जिल्ला उपाध्यक्ष डवल रावतले इन्सेकले सङ्कलन गरेका घटनाप्रति सकारात्मक धारणा राख्दै प्रतिवेदनमा छुटेका घटनाहरूलाई समेट्न सुझाव दिनु भएको छ । उहाँले विशेष गरेर गाउँमा मानव अधिकार उलङ्घनका घटनाहरू लुकेर रहेकोले ति घटनाको पनि खोजी गर्न इन्सेकलाई आग्रह गर्नु भएको हो । एक पटक घटेको घटना पुनः नदोहिरिने गरी इन्सेकले सङ्कलन गर्नुका साथै न्यायको पहुँजसम्म पुर्याउन इन्सेकलाई उपाध्यक्ष रावतले सुझाव दिनुभयो ।
प्रमुख जिल्ला अधिकारी विनोद पोख्रेलले नेपालमा विगतमा नागरिकले स्तन्त्रता, समनता, सुनिश्चिता र मानव अधिकारको प्रत्याभूति नगरेको बेला पछिल्लो समय नेपालमा विभिन्न संघसंस्थाहरूले मानव अधिकारसंग सम्बन्धित कार्य गर्दा नागरिकले मानव अधिकारको प्रत्याभूतिको अुभूति र महसुुस गरेको बताउनुभयो । उहाँले राज्यपक्षबाट भएका र हन सक्ने सुरक्षा सम्वेदनशिलतालाई मध्ये नजर गर्दै आगामी दिनहरूमा उक्त घटना हुन नदिने कार्यक्रममा प्रतिबद्धता जनाउनुभयो ।
कार्यक्रममा उपस्थित भएका सम्पुर्ण वक्ताहरूले हरेक क्षेत्रबाट अन्यायमा परेका पीडित पक्षले जिल्लामा रहेका मानव अधिकार सङ्घसंस्थाहरूसंग सहयोग लिएर न्याय माग्नु पर्ने भनाइ राखेका थिए । जिल्लामा खाद्यान्नको अभाव, बाढी पहिरोबाट समस्या, विद्यालयमा पठनपाठनको अवस्था र प्रत्येक नागरिकले सहजै रुपमा उपचार नपाएका विषयलाई पनि इन्सेकले अभिलेखीकरण गर्नुपर्ने उपस्थित व्यक्तिहरूले बताएका थिए ।
