सुनसरी जिल्लामा नेपाल मानव अधिकार वर्ष पुस्तक २०२० का लागि सङ्कलित घटनाको प्रकाशन पुर्व वार्षिक समीक्षा कार्यक्रम पुस ४ गते सम्पन्न गरिएको छ ।
इन्सेक जिल्ला प्रतिनिधि जयकृष्ण यादवका अनुसार एक वर्षको अवधिमा १० वर्ष मुनिका नौ जना बालिका बलात्कृत भएका छन् भने २०१९ को यो अवधिसम्म ७१ ओाटा बलात्कारका घटना सङ्कलन गरिएको छ ।
यो अवधिमा राज्य पक्षबाट आठ र अन्य पक्षबाट १ सय ४७ ओटा गरी १ सय ५५ ओटा घटनाहरू यहाँ अभिलेख गरिएकोमा ७१ ओाटा घटना बलात्कारसँग सम्बन्धित रहेका छन् ।
इन्जिनियर पुस्कर पोखरेलले देशमा विकास भएको र संविधान आएको भएपनि मानवीय विकासको अभाव भएकाले मानवीय विकास र नैतिकताको शिक्षा तथा सचेतना दिएर अधिकार उल्लङ्घन र अपराध कम गर्नुपर्नेमा जोड दिनुभयो ।
