अनौपचारिक क्षेत्र सेवा केन्द्र (इन्सेक) भोजपुरको आयोजनामा नेपाल मानव अधिकार वर्ष पुस्तक २०२६ प्रकाशन पूर्व जिल्लामा सरोकारवालाबिच अर्ध वार्षिक पूर्व समीक्षा कार्यक्रम असार ६ गते सम्पन्न गरिएको छ ।
कार्यक्रममा इन्सेक प्रतिनिधिले सन् २०२५ को पहिलो ६ महिनामा इन्सेकले जिल्लामा अभिलेखीकरण गरेका मानव अधिकार उल्लघंन तथा ज्यादतीका घटना बारे सरोकारवालालाई जानकारी गराउनु भएको छ ।
जिल्लामा सन् २०२५ को जनवरीदेखि जुन १५ सम्मको झण्डै ६ महिनाको अवधिमा ४१ ओटा घटना मानव अधिकार उल्लघंन तथा ज्यादतीका घटना अभिलेखीकरण गरिएको प्रतिवेदन सार्वजनिक गरिएको छ ।
जसमध्ये घरेलु हिंसाका ३२, महिला तथा बालिका बलात्कारका चार, बलात्कार प्रयास एक , हत्याका दुई र हत्या प्रयास दुई ओटा घटना अभिलेखीकरण गरिएको छ ।
कार्यक्रममा बोल्दै टेम्केमैययुङ गाउँपालिका अध्यक्ष सरोज बस्नेतले जिल्लामा मानव अधिकारका विषषयमा इन्सेकले जिम्मेवारपूर्वक काम गर्दै आएको बताउनु भयो । उहाँले पछिल्ला दिनमा जिल्लामा हत्याका घटना बढ्दै गएकाले इन्सेकसँगको सहकार्यमा मानव अधिकार सचेतना आवश्यक भएको बताउनु भयो ।
समीक्षामा गाउँपालिका उपाध्यक्ष रमादेवी राईले महिला तथा बालबालिकामाथिका घटनाहरू न्यूनीकरणका लागि सबैको साझा अभियान आवश्यक रहेको बताउनु भयो । उहाँले महिला र बालबालिका घरपरिवारबाटै असुरक्षित रहुनञ्जेल माहिला तथा बाल अधिकारको रक्षाका लागि चुनौती हुने बताउनु भयो ।
प्रमुख प्रसाशकीय अधिकृत अदिन दाहालले समाजमा अझै पनि विभिन्न खालका हिंसा हुने गरेकोले यस तर्फ ध्यान दिन आवश्यक रहेको बताउनु भयो ।
महिला अधिकारकर्मी मकना देवी चर्मकारले पछिल्लो समयमा विभिन्न क्षेत्रबाट मानवअधिकार हनन् हुन नदिन भइरहेका प्रयासले समाजमा केही सकारात्मक भावनाको विकास भएको बताउनुभयो । समीक्षा कार्यक्रममा पत्रकार, मानव अधिकारकर्मीलगायतको सहभागिता रहेको थियो ।
