इन्सेकद्वारा सञ्चालित कियोस परियोजनाको अभिमुखिकरण कार्यक्रम साउन २७ गते नेपालगञ्जमा सम्पन्न्न भएको छ ।
कार्यक्रममा इन्सेकका कार्यकारी निर्देशक विजयराज गौतमले इन्सेकले गरेका कामबाट उपलब्धी खोज्नु पर्ने बताउनु भयो । उहाँले इन्सेक अभियानसँग जोडिएकाले यसलाई अझ राम्रो बनाउनका लागि सबैले भूमिका खेल्नु पर्ने बताउनु भयो ।
कार्यकारी निर्देशक गौतमले स्थानीय तहबाट प्रवाह हुने सेवाहरू के कस्ता छन् र त्यसमा आम नागरिकहरूको पहुँच भए नभएको विषयमा ध्यान दिनु पर्ने बताउनु भयो ।
मानव अधिकार शिक्षा विभाग प्रमुख मदन पौडेलले इन्सेकद्वारा सञ्चालित परियोजनाहरूको उपलब्धि खोज्न कार्यक्रमको आयोजना गरिएको बताउनु भयो ।
कार्यक्रममा इन्सेकका प्रदेश प्रमुख, कार्यक्रम फोकल पर्सन र जिल्ला सहजकर्ताहरूको सहभागिता रहेको थियो ।