तुलसीपुर उमनपा–६ का ३६ वर्षीय शेरबहादुर वलीलाई कपाल चारपाटे मुण्डन गरी जुत्ताको माला लगाएर बजार परिक्रमा गराएको आरोपमा प्रहरीले तुलसीपुर उमनपा–९ का ३५ वर्षीय पर्साराम बिकलाई गिरफ्तार गरेको छ ।
आपसी लेनदेनको विषयमा विवाद हुँदा विकले चैत ४ गते वलीलाई चारपाटे मुण्डन गरी जुत्ताको माला लगाएर तुलसीपुर बजार घुमाएको भन्दै पीडित पक्षले चैत ५ गते इलाका प्रहरी कार्यालय तुलसीपुरमा उजुरी दिएपछि प्रहरीले चैत ५ गते नै गिरफ्तार गरी अनुसन्धान थालेको जिल्ला प्रहरी कार्यालय दाङका डिएसपी रेशम बोहराले जानकारी दिनुभयो ।