इन्सेक, नेपाल शान्ति संस्था र महिला एकता समाजका प्रतिनिधि सम्मिलित एक टोलीले असोज २१ गते काठमाडौँ र ललितपुरमा बाढीपीडितको अवस्था बुझ्न स्थलगत अवलोकन गरेको छ ।
टोलीले काठमाडौँको वङ्शीघाटमा बसोबास गर्दै आएका सुकुम्बासीका प्रतिनिधिसँग छलफलसमेत गरेको छ । छलफलका क्रममा यहाँ बसोबास गर्नेहरू सबैको घरमा पानी र लेदोले क्षति पुर्याएको पाइएको सो टोलीमा संलग्न इन्सेकका सूचना अधिकारी कृष्ण गौतमले बताउनु भयो ।
उहाँले भन्नु भयो-‘लत्ताकपडा, कापीकिताब घरबाट बाहिर निकाल्दै सुकाउँदै गरेको पायौँ । पानीले भिजेका कारण ढुसी पर्न लागेको पाइयो ।’
त्यसैगरी ललितपुरको टिकाभैरब क्षेत्रमा बाढीले पुर्याएको क्षतिबारे पनि सो टोलीले अवलोकन गरेको छ । सो क्रममा टिकाभैरवमा रहेको बुद्ध माविलाई खोलाले असर पुर्याएको र आनन्दवन अस्पताल जोखिममा रहेको पाइएको सूचना अधिकारी गौतमले बताउनु भयो ।
