१७ वर्षीया बालिकालाई बलात्कार गरेको कसुरमा जिल्ला अदालतले बढैयाताल गाउँपालिका–८ का ४४ वर्षीय बाबुराजा थापालाई ०८१ मङ्सिर २८ गते जन्मकैद सजायको फैसला गरेको छ ।
जिल्ला अदालतका न्यायाधीश डल्लुराम चौधरीको ०८१ मङ्सिर २८ गतेको इजालसले कसुर ठहर गर्दै जन्मकैदको सजाय, पीडितलाई ५० हजार रुपियाँ क्षतिपूर्ति र ७ लाख रुपियाँ जरिबाना भराउने फैसला गरेको अदालतका श्रेस्तेदार कपिल पौड्यालले जानकारी दिनुभयो ।
बालिकालाई ०७९ फागुन १ गते बलात्कार गरेको भन्दै पीडित पक्षले फागुन ३ गते इलाका प्रहरी कार्यालय, मैनापोखरमा उजुरी दिएको थियो । प्रहरीले थापालाई फागुन २ गते गिरफ्तार गरेको थियो । पीडितको स्वास्थ्य परीक्षण फागुन २ गते बर्दिया अस्पताल, गुलरियामा भएको थियो ।