१२ वर्षीया बालिकालाई यौन दुर्व्यवहार गरेको कसुरमा मण्डनदेउपुर नगरपालिका–९, रानीटारका ५४ वर्षीय राजकुमार भनिने देवभक्त सापकोटालाई प्रहरीले ०८० पुस २१ गते गिरफ्तार गरेको छ ।
पीडित बालिकालाई सापकोटाले ०७९ फागुन २२ गते जङ्गलमा यौन दुर्व्यवहार गरेको भन्दै पीडित पक्षले चैत्र २७ गते जिल्ला प्रहरी कार्यलयमा उजुरी दिएको थियो । सापकोटा चैत्र २६ गते गिरफ्तार भएका थिए ।
पीडितको स्वास्थ्य परीक्षण चैत्र २६ गते धुलिखेल अस्पतालमा भएको थियो । प्रहरीले आरोपित विरुद्ध जिल्ला सरकारी वकिल कार्यालय मार्फत् ०८० वैशाख ८ गते बाल यौन दुरुपयोग अभियोगमा जिल्ला अदालतमा मुद्दा दर्ता गर्यो । जिल्ला अदालतको सोही दिनको आदेशले सापकोटा ५५ हजार रुपियाँ धरौटीमा रिहा भएका थिए ।
जिल्ला अदालतले दोषी ठहर गर्दै ०८० असार १३ गते तीन महिना कैद सजाय र ११ हजार रुपियाँ जरिबाना भराउने फैसला गरेको थियो । सोही फैसलापछि सापकोटा फरार भएका थिए ।