१८ वर्षीया युवतीलाई सामुहीक यौन दुर्व्यवहार गरेका घटनाका आरोपितहरु मिर्चैया नगरपालिका–४ का ३० वर्षीय विशाल मुखिया, २८ वर्षीय रंजित मुखिया, ३२ वर्षीय सुन्दर मुखिया, २९ वर्षीय मनोज मुखिया र १९ वर्षीय जेएस खानविरुद्ध परेको उजुरी इलाका प्रहरी कार्यालय मिर्चैयाले ०८० कात्तिक १६ गते दर्ता गरेको छ ।
आरोपितहरुले युवतीलाई कात्तिक ५ गते यौन दुर्व्यवहार गरेको र गाउँमै घटना मिलाउने प्रयास गर्दा उजुरीमा ढिलाइ भएपनि आरोपितहरुलाई कारबाहीको लागि कात्तिक १५ गते उजुरी दिएको युवतीकी आमाले बताउनु भयो ।
पीडितको स्वास्थ्य परीक्षण प्रादेशिक अस्पताल सिरहामा कात्तिक १५ गते भएको थियो ।
इलाका प्रहरी कार्यालय मिर्चैयाका डिएसपी जितेन्द्र बस्नेतका अनुसार घटनाका आरोपितहरु फरार रहेकोले खोज तलास भइरहेको बताउनु भयो ।