१५ वर्षीया बालिकालाई बलात्कार गरेको कसुरमा जिल्ला अदालतले अर्जुनधारा नगरपालिका–७ का ५४ वर्षीय टेम्पा माली सातारलाई १२ वर्ष कैद सजायको फैसला गरेको छ ।
जिल्ला अदालतका न्यायाधीश ईश्वरमणि ओझाको असार २७ गतेको इजलासले कसुर गरेको ठहर गर्दै कैद सजायसँगै ५ लाख रुपियाँ जरिबाना र १ हजार ८ सय रुपियाँ क्षतिपूर्ति भराउन आदेश भएको अदालतका सूचना अधिकारी अर्जुनप्रसाद गुराँगाइले बताउनु भयो ।
पीडित बालिकालाई आरोपितले ०७८ चैत १५ गते बलात्कार गरेको आरोपमा गरेको आरोपमा पीडित पक्षले आरोपितविरुद्ध ०७९ असार ३१ गते इलाका प्रहरी कार्यालय अनारमनीमा उजुरी दिएको थिए ।
पीडित पक्षको उजुरीका आधारमा आरोपितलाई प्रहरीले असार ३१ गते गिरफ्तार गरी सरकारी वकिलको कार्यालयमार्फत साउन २२ गते जिल्ला अदालतमा बलात्कार शीर्षकमा मुद्दा दर्ता गरेको थियो ।
जिल्ला अदालतका न्यायाधीश ओमबहादुर सोडारीको साउन २३ गतेको आदेशमा आरोपित पुर्पक्षका लागि थुनामा थिए ।
पीडित बालिकाको स्वास्थ्य परीक्षण मेची अस्पतालमा ०७९ असार ३१ गते गरिएको थियो ।