१२ वर्षीया बालिकालाई बलात्कार गरेको कसुर ठहर गर्दै जिल्ला अदालतले गोलबजार नगरपालिका–६ का ३० वर्षीय रोशन लामालाई नौ वर्ष कैद सजायको फैसला असार २६ गते गरेको छ ।
जिल्ला अदालतका न्याधीश लिलाराज अधिकारीको एकल इजलासले सो फैसला गरेको हो । पीडितलाई ५० हजार रुपियाँ क्षतीपूर्ती दिने समेत फैसला भएको हो । आरोपितले बालिकालाई ०७८ साउन ३१ गते बलात्कार गरेको आरोपमा पीडित परिवारले इलाका प्रहरी कार्यालय गोलबजारमा साउन ३१ गते उजुरी दिएका थिए ।
बालिकाको स्वास्थ्य परीक्षण जिल्ला अस्पताल सिरहामा साउन ३१ गते भएको थियो । इलाका प्रहरी कार्यालय गोलबजारले आरोपितलाई साउन ३१ गते गिरफ्तार गरेको थियो । जिल्ला अदालतको आदेशमा आरोपित भदौ २५ गते देखि पुर्पक्षका लागि थुनामा रहेका थिए ।