२९ वर्षीया महिलालाई बलात्कार गरेको आरोपमा पर्सा गाउँपालिका–३ का ३६ वर्षीय रसुल फकिर भन्ने रसुल्वा फकिरविरुद्धको मुद्दा सर्लाही जिल्ला अदालतले ०८० असार १२ गते मुल्तबीमा राख्ने फैसला गरेको छ ।
जिल्ला अदालतमा ०७९ असोज २७ गते दायर भएको मुद्दामा जिल्ला न्यायाधिश कपिलमणी गौतमको इजलासले मुल्तबीमा राख्ने फैसला भएको जिल्ला अदालतका श्रेस्तेदार विश्वनाथ आर्यालले जानकारी दिनुभयो ।
पीडित महिलालाई आरोपितले ०७९ असोज ४ गते बलात्कार गरेको भन्दै पीडित पक्षले जिल्ला प्रहरी कार्यालय मलङ्गवामा असोज १३ गते उजुरी दिनुभएको थियो । जिल्ला प्रहरी कार्यालयले असोज १४ गते उजुरी दर्ता गरेको थियो । पीडित महिलाको स्वास्थ्य परीक्षण असोज १४ गते जिल्ला अस्पताल मलङ्गवामा गरिएको थियो ।
आरोपित फकिर हालसम्म पक्राउ नपरेको श्रेस्तेदार अर्यालले जानकारी दिनुभयो ।