१५ वर्षीया बालिकालाई बलात्कार प्रयास गरेको अभियोगमा बागलुङको ढोरपाटन नगरपालिका–८ का २१ वर्षीय श्याम वि.कलाई ६ वर्ष कैद सजायको फैसला भएको छ ।
न्यायाधिश दिवाकर भट्टको ०८० जेठ २५ गतेको आदेशले कैदसँगै २ लाख ५० हजार रुपियाँ जरिबाना र १० हजार रुपियाँ क्षतीपुर्ती फैसला गरेको जिल्ला अदालत बागलुङका इजालास अधिकृत गंगाधर सापकोटाले जानकारी दिनुभयो ।
पीडित बालिकालाई आरोपितले ०७९ भदौ ३० गते बलात्कार गरेको भन्दै पीडित पक्षले असोज ५ गते जिल्ला प्रहरी कार्यालय बागलुङमा उजुरी दिएका थिए ।
आरोपितलाई जिल्ला अदालतको मंसिर ७ गतेको आदेशले पुर्पक्षको लागि थुनामा राखिएको थियोे ।
बालिकाको स्वास्थ्य परीक्षण असोज ५ गते धौलागिरी अस्पताल बागलुङमा गरिएको थियो ।