१३ वर्षीया सुस्त मनस्थिति भएकी बालिकालाई कर्जन्हा नगरपालिका–३ का घेमा भन्ने रामचन्द्र मुसहर सदाले बलात्कार गरेको कसुर ठहर गर्दै जिल्ला अदालतले २० वर्ष कैदको फैसला माघ २९ गते गरेको छ ।
जिल्ला अदालतका न्याधीश काजीबहादुर राईको एकल इजलाशले सो फैसला गरेको हो । पीडितलाई २० हजार क्षतीपुर्ती दिने समेत फैसला भएको हो ।
बालिकालाई ०७७ भदौ १० गते आरोपितले बलात्कार गरेको आरोपमा पीडित परिवारले इलाका प्रहरी कार्यालय मिर्चैयामा भदौ २७ गते उजुरी दिएका थिए । बालिकाको स्वास्थ्य परीक्षण जिल्ला अस्पताल सिरहामा भदौ २७ गते भएको थियो । इलाका प्रहरी कार्यालय मिर्चैयाले आरोपितलाई भदौ २७ गते गिरफतार गरेको थियो भने जिल्ला अदालतको आदेशमा आरोपित असोज २० गते देखि पुर्पक्षका लागि थुनामा रहेका थिए ।