इन्सेक प्रतिनिधिको पहलमा बेसीशहर नगरपालिका–११ का आगलागी पीडितलाई रेडक्रस जिल्ला शाखा लमजुङले सहायता सामग्री प्रदान गरेको छ ।
त्यसैगरी जिल्ला प्रशासन कार्यालय लमजुङको विपद व्यवस्थापन समितिबाट पनि नगद रु. १५ हजार सहयोग उपलब्ध गराइएको छ ।
उक्त रकम प्रमुख जिल्ला अधिकारी सुशिल बैद्यले पीडित उजेली सार्कीलाई भदौ १९ गते आफ्नै कार्यकक्षमा हस्तान्तरण गर्नु भएको हो ।
आइते सार्की र उजेली सार्कीको एक तले घर यही साउन २४ गते बिहान खाना पकाउने ग्यास लिक भई आगलागी भएको थियो ।
आगलागीबाट घर जलेर प्रयोग गर्न नमिल्ने अवस्थामा पुगेका कारण यो परिवार विस्थापित भएको छ ।
आगलागीबाट घरभित्र भएका सम्पूर्ण लत्ता कपडा, भाँडावर्तन, नगद, महत्वपूर्ण कगजात लगायतका सामान जलेर नष्ट भएको छ ।
आगलागीको खबर पाउने बित्तिकै खाद्यान, लत्ता कपडा, जस्तापाता लगायतका सामग्री लिएर प्रदान गरेको जानकारी वडाध्यक्ष शिवबाबु जोशीले बताउनु भयो ।
