डिलाशैनी गाउँपालिका–५ सेराका ६९ वर्षीय बुबा अन्तराम जोशीमाथि बञ्चरो प्रहरा गरी हत्या गरेको आरोपमा प्रहरीले २४ वर्षीय लोकेन्द्र जोशीलाई साउन १३ गते गिरफ्तार गरेको छ ।
बञ्चरो प्रहार गरी बृद्ध बुबाको हत्या गरेपछि घटनामा संलग्न लोकेन्द्रलाई गिरफ्तार गरी हिरासतमा राखेर अनुसन्धान भइरहेको जिल्ला प्रहरी कार्यालयका इन्स्पेक्टर लोकराज जोशीले इन्सेक प्रतिनिधिसँगको फोन सम्पर्कमा बताउनु भयो ।
मानसिक अवस्था ठिक नभएका लोकेन्द्रले साउन १३ गते बिहान ठेकीधुन बाहिर आउने क्रममा बञ्चरोले घाँटी छिनाली बुबाको हत्या गरेका हुन् ।
मानसिक स्थिति ठिक नभएका दाजुले बुवाको हत्या गरेपछि प्रहरीले गिरफ्तार गरेको र आमाको पनि केही वर्ष अगाडी मृत्यु भइसकेकोले आफू अभिभावक विहिन भएको १७ वर्षीया रमीता जोशीले बताउनु भयो ।
शवको पोष्टमार्टम साउन १३ गते गोकुलेश्वर अस्पतालमा भएपछि सोही दिन आफन्तहरुले शवको दाहासंस्कार गरेका थिए ।