मुख्यमन्त्री तथा मन्त्री परिषद्को कार्यलयले गण्डकी प्रदेशले मानव अधिकारसम्बन्धी पाँचौँ कार्ययोजना प्रदेश समन्वय समिति सदस्यमा इन्सेकलाई मनोनित गरेको छ ।
समन्वय समितिका संयोजक समेत रहनुभएका प्रमुख सचिव रविलाल पन्थले सदस्यमा इन्सेक गण्डकी संयोजक शिव खकुरेललाई मनोनित गर्नुभएको हो ।
समितिमा सदस्यको रुपमा संयोजकले एक जना महिला सहित नागरिक समाजका तीन जना प्रतिनिधि मनोनित गर्न पाउने व्यवस्था रहेको छ ।
प्रदेश समन्वय समितिमा प्रमुख सचिव संयोजक, मुख्यमन्त्री तथा मन्त्रीपरिषद्को कार्यलयका सचिव (कानुन हेर्ने¬) सदस्य सचिव र सबै मन्त्रलायका सचिव, प्रदेश प्रहरी प्रमुख, मुख्य न्यायधिवक्ताको कार्यलयका प्रतिनिधि, राष्ट्रिय मानव अधिकार आयोगका प्रतिनिधि र नागरिक समाजका तीन जना प्रतिनिधि रहेका छन् ।
समन्वय समितिको दोस्रो बैठक असार २१ गते मुख्यमन्त्री तथा मन्त्री परिषद्को कार्यलयमा बसेको छ ।
यसअघि ०७८ चैत १३ मानव अधिकार राष्ट्रिय कार्ययोजना जिल्ला समन्वय समिति कास्कीको सदस्यको रुपमा इन्सेकलाई मनोनित गरिएको थियो ।